المرأة العباسية

--------------------------------------------------------------------------------


المرأة العباسية
دعني أحكي لك هذا الرأي التاريخي للكاتب العباسي العلامة الشهير( ياقوت الحموي )..
يؤكد ياقوت الحموي في كتابه ( معجم البلدان ) أن الست المصرية ليست كأي ست تانية في العالم ..
يقول ياقوت الحموي – و الرأي رأيه هو و لا علاقة لي به – أنه لاحظ أن المرأة المصرية تستعبد الرجل المصري و لا تحترمة كسائر نساء العالم !
يقول ياقوت الحموي انه لاحظ هذه الظاهرة فسأل العلماء عن سبب هذا الشيء الغريب ..
فقالوا له أن السبب يرجع إلى أيام سيدنا موسى ..!
يقال أن فرعون حين خرج لملاقاة سيدنا موسى , خرج و معه كل الأمراء و علية القوم .. فلما البحر قفل عليهم غرقوا كلهم .. فالأميرات في مصر مالقوش اللي يتجوزهم فاضطررن للزواج من العبيد !!
و من هنا جاء تسلط المرأة المصرية على زوجها إلى يومنا هذا !!
بيني و بينكم..أعتبر هذه القصة فضيحة في حقنا بصراحة .. حتى ياقوت الحموي من أيام العباسيين بيقول الكلام ده ؟؟
لكنني رغم هذا الكلام .. لا أقتنع بكلامه !
* * *


المرأة الاسلامية !
لي صديق لن أذكر اسمه لكن فلنفترض أن اسمه ( اسلام ).. صديقي هذا مرتبط بحبيبته منذ سنوات و قصة الحب بينهم يضربون بها الأمثال ..
اختلى بي صديقي هذا – لا تكن سيء النية – ليقول لي :
- " اوعى تتجوز مصرية يا ياعماد .. انت بتحب الهدوء و بتكره وجع الدماغ.."
فقلت له في براءة :
- " مال الارتباط بوجع الدماغ ؟
فقال اسلام :
- يابني البنات دول رايقين و بيستمتعوا بالمشاكل .. و احنا فينا اللي مكفينا .. طول النهار تتخانق معايا و مخلياني متنكد طول الوقت..."
قلت له في حكمة و حنكة فلسفية :
- بالتأكيد ليس الخطأ خطأها في كل مرة .. يجب ان تحاسب نفسك أنت ايضا .. لا يوجد شخص يحب المشاكل هكذا دون أسباب ..
أجاب في حسرة :
- اسكت .. انت مش عارف حاجة !
فقلت له :
- طب احكيلي عن آخر خناقة بينكم ..
قال :
- "مرة كنت باتكلم معاها في التليفون .. فتكلمت بصوت مرتفع جدا و كانت بتزعق ..
فقلت لها : اعقلي و بلاش الأسلوب ده ..
فقالت لي : أعقل ؟؟
يعني أنا مجنونة ؟؟
الناس كلها بيقولوا إن أنا عاقله زي ماما..
.. يبقى ماما مجنونة ؟؟
يا ماماااااااا ..
اسلام بيقول عليكي مجنونة !!!!!!"


قلت في رعب :
- يانهار احوس !
- آه و الله العظيم حصل.. غلطت في إيه أنا بقى ؟
قلت له :
- طبعا غلطت .. حد يقول كده برضه ؟؟ عيب يا اسلام دى مهما كان ام حبيبتك ههههه ؟


و كما تلاحظون.. لم أقتنع بكلامه ..
( بنات عايزين قطع الرقبه ربنا يورينا فيهم يوم وشكرااااااا )